Lyrics of Ahimi Wimai Himi
සුසුම් පොදි බැදගමි..
හීන මලු පුරවමි
හිමි වනතුරු ඉමි.. නුඹ
හිමි වීමයි මට අහිමි
ගිමන් හැර සැනසෙමි
කඳුලු කැට වියලමි
හිමි වන තුරු ඉමි.. නුඹ
හිමි වීමයි මට අහිමි
සවන් පත් පිනවමි
සිනා මුතු වපුරමි
හිමිවන තුරු ඉමි.. නුඹ
හිමි වීමයි මට අහිමි
හිමි වීමයි මට අහිමි
අහිමි වීමයි මට හිමි
English Transliteration
Susum podhi baedhagami..
hiina malu puravami
himi vanathuru imi.. numba
himi viimayi mata ahimi
giman haera saenasemi
kaඳulu kaeta viyalami
himi vana thuru imi.. numba
himi viimayi mata ahimi
savan path pinavami
sinaa muthu vapurami
himivana thuru imi.. numba
himi viimayi mata ahimi
himi viimayi mata ahimi
ahimi viimayi mata himi
Ahimi Wimai Himi (අහිමි විමයි හිමි) Sanka Dineth | Room No. 106 Movie
More from Admin
♪
This was posted by Shenalq314 to YouTube
@Shenalq314
මට දැනෙන මේ සින්දුවේ අර්ථය🔴❤
සුසුම් පොදි බැදගමි
සිනා මලු පුරවමි
හිමි වනතුරු ඉමි නුඹ
හිමි වීමයි මට අහිමි….
ගිමන් හැර සැනසෙම්
කඳුලු කැට වියලමි
හිමි වන තුරු ඉමි නුඹ
හිමි වීමයි මට අහිමි…
සවන් පත් පිනවමි
සිනා මුතු වපුරමි
හිමිවන තුරු ඉමි නුඹ
හිමි වීමයි මට අහිමි
හිමි වීමයි මට අහිමි
අහිමි වීමයි මට හිමි….
ඇත්තටම මේක හදවතේ පතුලෙන්ම ලියවුණු, ආදරයේ උපරිම වේදනාව වගේම උපේක්ෂාව එකට කැටි කරපු අතිශය සුන්දර, ඒ වගේම දරාගන්න අමාරු නිර්මාණයක්. මුළු කවිය පුරාම තියෙන්නේ තමන්ට නොලැබෙන බව දැන දැනම කරන අසීමිත ප්‍රේමයක කතාවක්.
සුසුම් පොදි බැඳගෙන සිනා මලු පුරවනවා කියන තැනින්ම හිත ඇතුළේ තියෙන මහා බරක් සඟවන්න කරන උත්සාහය පේනවා. තමන්ගේ හදවත ඇතුළේ තියෙන දරාගත නොහැකි දුක පිටතට නොපෙන්වා, ලෝකයා ඉදිරියේ වගේම තමන් පණටත් වඩා ආදරය කරන කෙනා වෙනුවෙන් මවාගත් සිනහවකින් මුහුණ පුරවාගන්නවා. ඊටපස්සේ හිමි වනතුරු මඟ බලාගෙන ඉන්නවා කිව්වට, ඊළඟ පේළියෙන්ම කියනවා හිමි වීමයි මට අහිමි කියලා. ඒ කියන්නේ කිසිදාක තමන්ට අයිති කරගන්න බැරි බව දැන දැනම, මුළු ජීවිත කාලය පුරාම ඒ ආදරය වෙනුවෙන් බලාගෙන ඉන්න ඔහු හෝ ඇය සූදානම්.
මෙතන තියෙන ලොකුම ඛේදවාචකය තමයි තමන්ට මෙලොව අහිමිම දේ තමන් පණටත් වඩා ආදරය කරන ඒ හිමිවීම විතරක්ම වීම.
ගිමන් හැර සැනසෙම් කඳුළු කැට වියලමි කියද්දී දැනෙන්නේ ජීවිතේ හැමදාම තනිවුණු, හැමදාම රිදුණු මනුස්සයෙක්ගේ කතාවක්. මේ අහිමි වුණු ආදරය නිසා ජීවිතයට දැනෙන අධික වෙහෙස නිවාගන්න උත්සාහ කරන ගමන්, තනිවම හඬා වැටුණු වාර අනන්ත වුවත් ඒ කඳුළු පිසදාගෙන නැවතත් ශක්තිමත් වෙන්න උත්සාහ කරනවා. කොතරම් ජීවිතය තලා පෙලා දැමුවත්, තමන්ගේ ආදරවන්තයා තමන් සතු වනතුරු මියෙනතුරුම මඟ බලා සිටීමේ ඒකායන බලාපොරොත්තුව අත්හරින්නේ නැහැ.
සවන් පත් පිනවමි සිනා මුතු වපුරමි කියමින් තමන් ආදරය කරන කෙනාගේ සවන් පිනවන්න මිහිරි වදන් පවසමින්, ඔවුන්ගේ ජීවිතය සතුටින් පුරවන්න වෙහෙසෙනවා. තමන් දුකෙන් සිටියත් අනෙකා සතුටින් සිටිනු දැකීම සැබෑ ආදරයේ ලක්ෂණයක්නේ.
හැබැයි මේ නිර්මාණයේ උපරිම තැන තියෙන්නේ අවසාන පේළි දෙකේ. හිමි වීමයි මට අහිමි, අහිමි වීමයි මට හිමි. මීට වඩා ගැඹුරු දර්ශනයක් තවත් කොහෙන්ද? තමන්ගේ දෛවය විසින් තමන්ට උරුම කරලා දීලා තියෙන්නේ අහිමි වීම නම් වූ ශෝකාකූල දායාදය විතරක් බවත්, තමන්ට හිමි එකම දේ කිසිවක් හිමි නොවීම බවත් අවසානයේදී ඔහු හෝ ඇය ඉතාමත් උපේක්ෂාවෙන් බාරගන්නවා.
සැබෑ ආදරය කියන්නේ අයිති කරගැනීමම නෙවෙයි, අනෙකාගේ සතුට වෙනුවෙන් තමන්ගේ මුළු ජීවිතයම වුවත් පරිත්‍යාග කිරීමක් කියන එක..
මේ නිර්මාණයෙන් හදවත පසාරු කරගෙන යන විදිහට කියා දෙනවා. ඇස්වලට කඳුළු උනන, ආත්මයටම දැනෙන අති විශිෂ්ට නිර්මාණයක්.
ලියපු කෙනාට සහ සංඛ අයියට ගොඩක් ස්තුතියි මෙවැනි ලස්සන අර්ථවත් ගීතයක් අපිට දුන්නට.😮♥🎉මගේ ආසම ගායකයා 🎉
@Shenalq314