Lyrics
අවපස අහසක තරු ලකුණක් සේ
අපමණ සයුරක තුරු දසුනක් සේ
දිගු දිවි ගමනේ
ඉම ඔබ රැඳුනේ
අවපස අහසක තරු ලකුණක් සේ
අපමණ සයුරක තුරු දසුනක් සේ
දිගු දිවි ගමනේ
ඉම ඔබ රැඳුනේ
මාවත අවහිර නිමවා
දල රළ පෙළ සැතපෙනවා
සැලමුතු සෙනෙහස
මද පවනක් වී ගැඹරේ නිම මුමුණනවා
අවපස අහසක තරු ලකුණක් සේ
අපමණ සයුරක තුරු දසුනක් සේ
දිගු දිවි ගමනේ
ඉම ඔබ රැඳුනේ
දෝතක අසෙනිය ගවසා
ඔබ පෙරමග හිනැහෙනවා
විකසිත සිහිනේ සුභ කවියක්වී
දෙනෙතේ සිත ලියැවෙනවා
අවපස අහසක තරු ලකුණක් සේ
අපමණ සයුරක තුරු දසුනක් සේ
දිගු දිවි ගමනේ
ඉම ඔබ රැඳුනේ
අවපස අහසක තරු ලකුණක් සේ
අපමණ සයුරක තුරු දසුනක් සේ
දිගු දිවි ගමනේ
ඉම ඔබ රැඳුනේ
දිගු දිවි ගමනේ
ඉම ඔබ රැඳුනේ
Awapasa Avapasa Ahasaka Tharu Lakunak Se Lyrics – Sunil Edirisinghe
ආදර ගී අතර මා වඩාත්ම ඇලුම් කරන ගී අතුරින් එකක් ලෙස මේ ගීතය හඳුන්වන්නට පුලුවන්. මේ ගීතය ගැන අදහසක් දෙන්න කියා මා උනන්දු කලේ මාගේ මිතුරු දිලානි වැලිවිට සහෝදරියයි. ඇය මෙන්ම තව බොහෝ දෙනෙක් මේ ගීතයට ඇලුම් කරන බව විශ්වාසයි. මේ ගීතය ලියලා තිබෙන්නේ කුලරත්න ආරියවංශයන් විසින්. මෙතුමා විසින් රචිත තවත් ආදර ගීත රාශියක් පවතී. ‘මට මුලු ලොවම ඔබයි, මුලු ලොවම නැති උනත්, ඔබගෙ සෙවනේ, ප්‍රේමයේ මන්දහාසෙනී, ප්‍රේමයේ විල්තෙරේ, රත්තරන් නෙත් දෙකින්..’ ආදී ගීත විශාල ප්‍රමාණයක් ඔහු අතින් ලියැවී ඇත. රෝහන වීරසිංහයන්ගේ සංගීත නිර්මාණ ගැන නම් කියන්නට මේ අවස්ථාව කෙලෙසකවත් ප්‍රමාණවත් නොවේ. මෙනිසා මම ඉදිරියේදී සවිස්තරාත්මකව ඒ ගැන ලියන්නට බලාපොරොත්තු වෙනවා.
අප බොහෝ වෙලාවට සිතන්නට සහ විශ්වාස කරන්නට පෙලඹී සිටින්නේ ජීවිතය කෙටියි කියා. ‘මේ ඉන්න ටිකේ හොඳට ඉඳිල්ලා, අපි හෙට මැරෙයිද කියල දන්නෙ නෑ’
නමුත් ජීවිතය නියමාකාරයෙන් විඳින්නාට හෝ විඳවන්නාට මෙය කිසිමාකාරයකින් සත්‍ය වන්නේ නෑ. මෙහිදී විඳවීම ජීවිතය නැතිකර නොගෙන සිදු කරන විඳවීමක් විය යුතුයි.
ඉතින් මේ ඒකාකාරීව ගෙවෙන දිගු දිවියට යම්කිසි ප්‍රබෝධයක් ලබාදීමට හැකි දෙයක් වේද එය දිව ඔසුවක් වනවා නොඅනුමානයි. අවපස අහසකට තරුවකින් ලැබෙන්නේ අමුතුම සෞන්දර්වයක්. ඉමක් කොනක් නැති සයුරක සැරිසරන විට දුටු ගොඩබිමක දර්ශනය සිතින් මවාගැනීමට හැකිනම් එය කෙතරම් අස්වැසිල්ලක්ද අනෙක් අතට එය කෙතරම් චමත්කාරජනකද?
මේ දිගු දිවි ගමනට ඔබ පැමිනියේ ඒ ආකාරයේ චමත්කාරයක් සමගයි. ඒ චමත්කාරය විඳින්නට තරම් මා පින්කල බව ඇදහීමට මැලිවීමක් මා තුල නැති බව පසක් කරනු කැමැත්තෙමි.
ජීවන ගමනේ බාධක කම්කටොලු බොහොමයි. ඒවා මැඩගෙන ඉදිරියට යාමට ඔබ මට ශක්තියක්. හරියට තමා ඉදිරියට එන සියලුම බාධක සිඳ වෙරළ කරා ලඟාවෙන රළ පෙලක් වගේ. ඔබෙන් මා ලබන සෙනෙහස නිම්කර නොහැකියි. ඒක හරියට සුළඟක්, නොනැවතී වනාන්තරයක් තුලටම, හෙලක් පතුලටම ඇදී යනවා වාගෙයි. එහි හැම අස්සක් මුල්ලක්ම පිරී සරනා තරම්ම ඔබේ සෙනෙහස සන්තතයි.
ජීවිතයේ සෑම දෙයක් සඳහාම ඔබ පෙරමගට වී සිටින්නේ ජීවිතයම සුභ කිරීමට වාගේයි. මාගේ සිහින තව දුරටත් සිහින ලෙසින්ම තබාගැනීමට ඔබ ඉඩ නොදෙන හැඩයි. ඒක ඔබේ ඇස් දෙකේ ලියැවිලා තියනවා. මගේ සුභ සිහින සියල්ලක්ම සැබෑ කරවන්නේ ඔබමැයි. ඉතින් අපේ ආදර කතාව එතැනින් නිමාවෙන්නේ නෑ. මේ දිගු දිවි ගමනේ එක්ව සැරිසරන තුරාවට අපේ ආදරය නොමැකේවි. ඉන් මතුවටත් එය එසේම වේවා!!!!!!
Copied from geeyaka-arutha.blogspot