ගං ඉවුරේ තුරු ලතා මඬුල්ලේ

Lyrics

ගං ඉවුරේ තුරු ලතා මඬුල්ලේ
සයුරු මායිමේ පුළින තලාවේ
සෙනෙහස් හැඟුමින් චමත්කාර වී
අප ගැන අප හිතු හැටි මිහිරියි //

ආදර ගී විය ජයමංගල ගී
කුරුළු කැදැල්ලකි පුංචි පැලේ
ප්‍රේමවන්තයෝ
ප්‍රේමවන්තයෝ දෙගුරුන් වී
යළි ඉපදුණු හැටි හරිම අගේ

ගං ඉවුරේ තුරු ලතා මඬුල්ලේ …

සිඟිති සණ්ඩු මැද හිනා වෙවී
කිරුළු පළන් ජීවිත ගමනේ
දෝර ගලා
දෝර ගලා කරදර ආවත්
හිඳිමු එදා මෙන් වෙනස් නොවී

ගං ඉවුරේ තුරු ලතා මඬුල්ලේ … //

Gang Iwree ivree iwre Thuru Latha Madulle – Edward Jayakody