ඇතුල් හිතේ හිත පතුලෙම

Lyrics

ඇතුල් හිතේ හිත පතුලෙම
පරිස්සමින් හංඟා
තුරුළු සුවේ සියුමැල්ලෙන්
පිරිමැද නිදිකරවා
පතුල් පවා සිඹ සිඹ
නිදුකින් මා කර පින්නා
නැළවිල්ලෙන් ආත්මයම
උණුහුම් කල අම්මා
මගේ අම්මා

වචන රහිත දිගම පේන
ගීය කනේ රන්දා
දුකින් තොරව දිවි ගෙවන්න
පාර කියුවේ අම්මා
නැතිබැරි කම් හංඟා
ඇති දේ පිරිමහලා
කවා පොවා හැදුවේ අම්මා
ආත්මයම හැදුවේ අම්මා

ඇතුල් හිතේ …

හරිම තැනින් පටන් ගන්න
කියා දුන්නු හින්දා
හොදම දෙයක් කරන් යද්දි
සතුටු වෙන්නේ අම්මා
සැප විදිනවා දැකලා
හිස සිඹ සුභ පතලා
හිනා වෙවී හැඬුවේ අම්මා
ආත්මයම හැදුවේ අම්මා

ඇතුල් හිතේ …

Athul Hithe amma mother- Asanka Priyamantha Peris peiris asanga